ملخص دورة خياطة ملابس حديثي الولاده لفلسطينية و أفتخر - اكاديمية بنت مفيد لتعليم الخياطة وتصميم الازياء والمهارات

           ماشاء الله تبارك الله ماشاء الله لاقوة إلا بالله , اللهم إني أسالك الهدى والتقى والعفاف والغنى

 

      


  صفحة الاكاديمية على الفيس بوك
     



قديم 11-13-2010, 05:20 PM   رقم المشاركة : 1
أم أميرة وياسمين
مشرفة عامة للأكاديمية
 
الصورة الرمزية أم أميرة وياسمين
رقم العضوية :  18037
أم أميرة وياسمين غير متواجد حالياً
افتراضي ملخص دورة خياطة ملابس حديثي الولاده لفلسطينية و أفتخر



نبتدي اول قطعه من ملابس البيبي
وربنا يعطي كل مشتهي وما يحرم حدا يا رررررررررررررررب

حنبدى في فانيلا

والقبه (الياقه) تبعتها مريحه جدااااا في اللبس لمولود حديث وطري جدا يعني بدنا شي نلبسه اياه بكل سهوله وما يغلبنا خاصة الامهات الجدد
والها هاي القبه عده اسماء مثل القبه الحردانه او عبي البدوي وما بعرف ايش في كمان عندكم من اسماء الها حسب بلدانكم


وهادا الباترون تبعها




هلاء تقسيمها كالتالي

الامام قطعتين (بنقص القماش على طبقتين )

الخلف قطعه واحده فقط
الاكمام مفتوح على طبقتين ومثني على اربع طبقات

القماش قطني 100%
رح تحتاجي شريط طويل مقصوص بالورب حتى تشطبي فيه القبه ...ورح يكون تشطيب القبه بعد تركيب الامام على الخلف مباشره ..انا ما رح استعمل الشريط لاني رح اعمل سيرت على ماكنة الاباره والشريط رح يعطيني شغل مشابهه الها

الرقم 11 هو مقاس الحفره وهو بشمل الخلف والامام
وطريقة القص كالتالي

القماش 3 طبقات فوق بعضهم
اثنيهم بيصيرو على 6 طبقات قومي بقصهم كلهم مقاس واحد وهو مقاس الخلف

افصليهم عن بعض
خلي قطعتين للامام وقطعه للخلف
قطعتين الامام قصيهم وهما فوق بعضيهم زي الباترون بالضبط

ورح تشوفو اليوم ان شاء الله قطع الفانيلا وطريقة خياطتها


بااااااااااااااااك


هاي القطع كلها
الامام 2
الخلف 1
الاكمام طبعا 2

اول شي بتنعمله بنقفل راس الكتف من الطرفين






هلا بننتقل لتشطيب القبه
وزي ما قلتلكم من قبل بنقص شريط طويل من القماش بالورب وبنركبه من الخارج وبنقلبه للداخل على طول فتحة القبه

طبعا انا بستعيض عن القماش الموروب بالسيرت اللي بعطي نتيجه ممتازززة جداااااااا ومرتبه



بنركب الاكمام

وبعطيني هالشكل هادا




وركبنا الاكمام

هلاء بنقفل قطعتين الامام مع بعضهم علشان ما نتغلب في قفل الفانيلا





قفلنا البلوزة عن الجوانب وطبعا لازززززم الانسه وجد لازم تحشر راسها دائما








وهادا هو الشكل النهائي الها
ان شاء الله يكون الشرح والصور واضحين







 
قديم 11-13-2010, 05:30 PM   رقم المشاركة : 2
أم أميرة وياسمين
مشرفة عامة للأكاديمية
 
الصورة الرمزية أم أميرة وياسمين
رقم العضوية :  18037
أم أميرة وياسمين غير متواجد حالياً
افتراضي رد: ملخص دورة خياطة ملابس حديثي الولاده لفلسطينية و أفتخر

باترون التبان للبيبيات الصغار




هادا الامام والطول الكلي 39 سم





هادا الخلف والطول الكلي45 سم





هدا باترون الكم
واي سؤال النا جاهزة وبكرة ان شاء الله رح يكون تطبيق للخياطه

اول شي بنغلف حردة القبه من الامام والخلف والكم بشريط القماش الموروب انا طبعا ما بعمل شريط ورب لاني بشتغل على ماكنات حديثه
لكن لما تركبو الشريط راعو انكم تشدو الشريط اثناء التركيب من منطقه وسط القبه سواء من الخلف او الامام علشان ما تطلع مدلوقه معكم











هيك بنكون غلفنا الامام والخلف والاكمام حتى نبدى نجمع قطع التبان على بعضهم

ورح احطلكم صور الماكنه اللي عملت التغليف للحردات والكم

هاي صورة الماكنه اللي بتغلف حردة القبه مهما كان نوع القطعه خاصه الاقمشه القطنيه واليكرا









شايفين شريط التغليف (اللي هو السيرت ) بمر عبر قطعه بتتركب على الماكنه (المخشير ) وعند خروجه من نهاية القطعه هاي (المخشير ) بكون انثني للداخل من اعلى ،، وفي مخاشير اخرى بتثني الشريط (السيرت ) من اعلى ومن اسفل ،،، الوجهه العلوي للشريط بكون عليه خياطتين ومن اسفل شبيه بالسرفله ،،، وفي منه عدة قياسات طبعا بعطينا عرض الشريط بعد ثنيه المقاس اللي انتي بدك اياه 2 سم او 3 سم او 4 سم او 7 سم حتى

هلاء بنقفل راس الكتف على بعضه وبنكون حاطين علامه لنقطه راس الكتف علشان نحدد اتقاء الامام مع الخلف



بنقفلهم مع بعض بخياطه عن الجانب




بنركب الكم






بنقفل التبان من جهه واحده وبنخلي الاخرى مفتوحه حتى نركب شريط التغليف من اسفل








بنركب شريط التغليف من اسفل وانا برضو ركبته على نفس الماكنه




بنقفل الجانب الاخر اللي خليناه مفتوح وبنثبت الطرفين من اعلى ومن اسفل (الكم ومن اسفل عند شريط التغليف)










طبعا من اسفل بنركب كبسات سواء بالخيط والابره او على ماكنة الكبس (النيتم )





وبتقدرو حسب زوءكم تزينو التبان

حبيبتي
عمق حردة القبه من الامام انتي بتتحكمي فيه بعمل الميل اللي بيجي تحت الابط مباشرة
اقولك طريقه اسهل؟
شوفي يا ستي
القماش على3 طبقات،،اثنيهم تاني من المنتصف بيصرو 6 طبقات ....صح؟
صح
احنا قلنا العرض بتاع القطعه كام؟ مش فاكرة بالضبط بس لنفرض انه 23 سم
23على 2 = 11،5 سم
حددي الطول والعرض على القماش (الطول 30 سم والعرض 11،5 سم )
اعملي حفرة الخلف وحفرة الكم بالقماسات المطلوبه ....كل هادا وانتي بتشتغلي على باترون الخلف خلي بالك...
والقطع كلهم فوق بعض...
شيلي قطعه واحده منهم وده حتكون الخلف (بكون جاهز وما بدو اي تعديل )
هلاء الامام
بفضل عندك طبقتين من القماش
قصتهم نفس قصة الخلف ...صح؟؟؟
صح كمان
حردة الخلف موجوده والكم كمان
افتحيهم على عرضهم الكامل
عندنا حردة الكم ارتفاعها 9سم
انزلي تحتها 4 سم وحطي علامه
كل هادا والقطعتين فوق بعضيهم لسه
من عند بداية حفرة القبه من الداخل اعملي خط مائل يوصل حتى العلامه اللي حددناها تحت حفرة الكم (ال 4 سم )
قصي القماش على الخط المائل اللي بالاخر رح يعطيكي حردة الرقبه وعمقها يا قلبي







 
موضوع مغلق

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 10:58 PM بتوقيت مسقط


Powered by vBulletin®
Copyright ©2000-2010 Jelsoft Enterprises Ltd.
Translated & Secured By : L4de INC©

استضافة ودعم وتطوير شركة

حجز