محتاجة اعمل مفرش بيضاوي او مستطيل - الصفحة 2 - اكاديمية بنت مفيد لتعليم الخياطة وتصميم الازياء والمهارات

           ماشاء الله تبارك الله ماشاء الله لاقوة إلا بالله , اللهم إني أسالك الهدى والتقى والعفاف والغنى

 

      


  صفحة الاكاديمية على الفيس بوك
     



قديم 10-08-2009, 10:58 AM   رقم المشاركة : 21
بيرون
نورتنا جديد
رقم العضوية :  9796
بيرون غير متواجد حالياً
افتراضي

مشكورة اصولة انا كملت الوردات وطلعوا مضبوطين لكن عندي سؤالين بخصوص التشبيك
الاول اني كم حلقة من الوردة الاولى اشبك مع الوردة الثانية حتى يكون العمل بحساب مضبوط وليس عشوائي
والثاني انه لما اكمل شبك الوردة الاولى مع الثانية هل استمر بعمل السطر الاخير للوردة الثانية اللي هو الخمس سلاسل ام ماذا اعمل
تحياتي لك ياقمر







  رد مع اقتباس
قديم 10-08-2009, 11:09 AM   رقم المشاركة : 22
الأصيل
مشرفة قسم الكروشية والقسم الديني
 
الصورة الرمزية الأصيل
رقم العضوية :  13731
الأصيل غير متواجد حالياً
افتراضي

حبيتى بيرون
ايوه يا قمر احنا بنشبك الوردتين مع بعض فى 3حلقات ارجعى تانى للصوره وشوفيها كده ها تظهرلك اكثر
وبالنسبه للسطر الاخير ايوه احنا بعد ما بنخلص تشبيك الوردتين فى الثلاث حلقات بنكمل مباشره اخر سطر اللى هوه 5سلاسل

وان شاء الله كل ما تعملى ورده تشبكيها بنفس الطريقه
يلا انا مستنيه الشغل الجميل عشان اكمل يا قمر








  رد مع اقتباس
قديم 10-08-2009, 01:40 PM   رقم المشاركة : 23
بيرون
نورتنا جديد
رقم العضوية :  9796
بيرون غير متواجد حالياً
افتراضي

ايوة مضبوط شرحك اصولة اسفة جدا حبيبتي انا لم انتبه لاني كنت اعمل وبنتي تشد بشعري وتحاول تهجم على شغلي شكلها كمان تحب تتعلم كروشيه انا رايحة اكمل ياجميل







  رد مع اقتباس
قديم 10-08-2009, 10:17 PM   رقم المشاركة : 24
بيرون
نورتنا جديد
رقم العضوية :  9796
بيرون غير متواجد حالياً
افتراضي

اصولة انا كملت التشبيك والحمدلله كلشي تمام مستنية تكملة شرحك ياقمر
طبعا انا اشتغل بالليل لما تنام بنوتي وزوجي لان شغل الكروشيه وهم موجودين يكون من سابع المستحيلات







  رد مع اقتباس
قديم 10-09-2009, 09:19 AM   رقم المشاركة : 25
الأصيل
مشرفة قسم الكروشية والقسم الديني
 
الصورة الرمزية الأصيل
رقم العضوية :  13731
الأصيل غير متواجد حالياً
افتراضي

بيرون حبيبتى
هههههههههههه ضحكتينى تتصورى كنت فاكراكى عروسه

طيب بدام الحال من بعضه بقه يا جميل انا بكره عندى اول يوم دراسه للولاد وتخيى بقه كميه الطلبات فاها استأذنك بس ممكن لو خلصت بدرى اليوم انزل لك شرح او بكره الصبح وهمه فى المدرسه فى الروقان
اوك حبيبتى
سلامى لبنوتك القمر وربنا يبارك لك فيها يارب








  رد مع اقتباس
قديم 10-09-2009, 09:58 AM   رقم المشاركة : 26
بيرون
نورتنا جديد
رقم العضوية :  9796
بيرون غير متواجد حالياً
افتراضي

هههههههههههههه براحتك حبيبتي الحمدلله انا لسه ماعندي معاناة التدريس والمدرسة لان بنوتي عمرها 10 اشهر ربي يعينك ويحفظك لاولادك واهلك ولنا كمان ويعمر بيتك ويحفظ زوجك وعائلتك ربي امين







  رد مع اقتباس
قديم 10-10-2009, 06:12 AM   رقم المشاركة : 27
الأصيل
مشرفة قسم الكروشية والقسم الديني
 
الصورة الرمزية الأصيل
رقم العضوية :  13731
الأصيل غير متواجد حالياً
افتراضي

السلام عليكم ورحمه الله وبركاته
صباح الخير حبيبتى بيرون انا جيت كما وعدتك لانى امبارح هلكت


نبتدى الشرح ان شاء الله


احنا خلاص شبكنا الوردات ببعضها صح
ها تشتغلى حول الوردات داير ما يدور سلاسل كالاتى
ارتفعى 5سلاسل -انزلى بمنزلقه فى منتصف السلسله من السطر الاسفل -ارتفعى مره ثانيه 5سلاسل وانزلى بمنزلقه فى منتصف السلسله من السطر الاسفل (منتصف السلسله اللى هيه نصف الخمس سلاسل اللى كنا عملناهم اثناء التشبيك) استمرى بتكرار هذ العمل حتى نهايه السطر واغلقى السطر بمنزلقه
اشتغلى غرزه حشو على اول وتانى سلسله من السلسله التاليه مباشره من السطر الاسفل (هذه بس عشان بدايه السطر وحتى يكون ارتفاعه مظبوط ويكون العمل اكثر دقه -ارتفعى بعدها 6سلاسل -انزلى بمنزلقه على منتصف السلسله التاليه مباشره -ارتفعى مره ثانيه 6سلاسل وانزلى بمنزلقه -كررى لنهايه السطر واغلقى بمنزلقه
اشتغلى غرزتين حشو على اول وتانى غرزه من السلسله التى بالسطر الاسفل وارتفعى بعدها 7سلاسل وانزلى بمنزلقه على منتصف السلسله التاليه مباشره من السطر الاسفل

وكررى العمل حتى نهايه السطر واغلقى بمنزلقه

كده احنا عملنا 3سطور سلاسل حول الوردات
السطر اللى بعد كده

بعد ما اغلقتى السطر السابق بمنزلقه -استغلى3 غرز حشو على اول وتانى وثالث غرز من السللسه من السطر الاسفل -ارتفعى 3سلاسل اشتغلى عمودين على الغرزتين التاليتين من السلسله بالسطر الاسفل((الغرزه اللى بعد المنزلقه اللى عملتى منها الارتفاع 3سلاسل -ثم انزلى بمنزلقه على منتصف السلسله من السطر الاسفل(منتصف السبع سلاسل) -ارتفعى 3سلاسل اشتغلى عمودين على الغرزتين التاليتين مباشره من السلسله -انزلى بمنزلقه على منتصف السلسه التاليه (اللى هيه منتصف السبع سلاسل اللى بالاسفل )

استمرى بنفس الطريقه حتى نهايه السطر واغلى السطر بمنزلقه

ها تلاحظى ان الشكل طلع معاكى اعمده مائله تاخذ شكل الفستون
ياريت لو تنزلى صوره العمل حتى اشوف الشغل اتظبت معاكى ولا ايه
مع انى متاكده انه ها يبقى جميل ان شاء الله

انا ها انتظر اشوف الشرح كده مناسب ولا ايه عشان اكمل
سلامى لك يا قمر








  رد مع اقتباس
قديم 10-10-2009, 04:30 PM   رقم المشاركة : 28
بيرون
نورتنا جديد
رقم العضوية :  9796
بيرون غير متواجد حالياً
افتراضي

صباح الورد حبيبتي اصولة
الشرح كدة تمام وجميل مثلك ياقمر وانا اسير بشكل مضبوط وتمام بفضلك والحمدلله
بالنسبة لصورة الشغل انا حنزلها لك فيما بعد لاني نسيت شاحن الكاميرا في بيتي وخلص شحنها الان فلا استطيع التصوير حالياً معلش سماح المرة دي







  رد مع اقتباس
قديم 10-11-2009, 05:26 AM   رقم المشاركة : 29
الأصيل
مشرفة قسم الكروشية والقسم الديني
 
الصورة الرمزية الأصيل
رقم العضوية :  13731
الأصيل غير متواجد حالياً
افتراضي

صباح الفل يا جميل
اوك حبيبتى وقت ما يتيسر لك التصوير ان شاء الله نزلى الصور
المهم تكونى شايفه الشغل مظبوط معاكى
اكمل لك شويه شرح ان شاء الله دلوقتى لانى مش باعرف ادخل باقى اليوم

احنا كده خلصنا سطر اللى يشبه شكل الفستون واغلقتى السطر بمنزلقه زى ما قلنا صح
انا عندى طرفين للمفرش طرف ايمن وطرف ايسر (حددى بالظبط منتصف الورده بدبوس صغير لكل جهه)يعنى عدى الفستونات اللى حولين الورده وحددىالفستون المتوسطه بينهم ده لكل طرف وحطر دبوس صغير عشان ما يكونش فيه خطأ
والشرح كالتالى

بعد ان اغلقتى السطر الفستون بمنزلقه اشتغلى 6سلاسل -انزلى بعمود على متصف الفستون الاول مباشره - ارتفعى 6سلاسل اخرى -عمود على الفستون التانى مباشره -كررى حتى تاتى اللفستونات اللى قبل المنتصف ها تلاقيه عباره عن اربع فستونات على كل جانب من النصف اللى حددناه سابقا
ها تشتغلى على الفستون التاليه مباشره اللى هيه اول فستونه تقابلك مباشره بعد ما اشتغلتى 6سلاسل عمود فى اللى قبلها
كالاتى ارتفعى 6سلاسل انزلى على الفستونه التاليه مباشره عموين بينهم سلسلتين -ارتفعى 6سلاسل عمود على الفستون التالى -ارتفعى 6سلاسل -عمودين على الفستون التالى بينهم سلسلتين --ارتفعى 6سلاسل عمود على الفستون التالى -6سلاسل -عمودين بينهم سلسلتين على الفستون اللى حددناه بالدبوس -6سلاسل عمود على الفستون التالى -6سلاسل عمودين على الفستون التالى -6سلاسل عمود على الفستون التالى -6سلاسل عمودين بينهم سلسلتين على الفستون التالى (لاحظى هنا ها تلاقى ان حول المنتصف من الجانبين ها تلاقى الشغل كالاتى -عمودين --عمود-- عمودين-- عمود-وبعدين العمودين اللى على الفستون المنصف -عمود-عمودين -عمود -عمودين )شوفى كده عندك مضبوط ولا ايه ان شاء الله يكون مظبوط -

كررى الشغل 6سلاسل -عمود على كل فستون -كما سبق حتى الطرف الاخر ها تشتغلى ايضا فيه كما سبق واشتغلنا الطرف السابق ايضا
يكون محصله العمل طرفى المفرش عمودين بينهم سلسلتين -عمود -عمودين بينهم سلسلتين -عمود-يعمودين بينهم سلسلتين (االلى همه على الفستون المنصف)-عمود -عمودين بينهم سلسللتنين -عمود-عمودين بينهم سلسلتين ده كعلى كل طرف من طرفى المفرش
وباقى المفرش اعمده على كل فستون
انا حاولت اشرح لك الجزء ده بالتفصيل حتى يكون الشرح مظبوط لان هذا السطر مهم ان يكون مظبوط حتى يكون باقى الشغل مظبوط وهو اساس الشغل اللى جاى ان شاء الله
انا ها انتظر حتى اشوف اخبارك ايه مع السطر ده عشان نكمل باقى الشغل ها يكون اسهل ان شاء الله
انا منتظره استفساراتك الجميله حبيبتى
سلامةى لك ولبنوتك القمر ربنا يبارك لك فيها ويجعلها الله من الصالحات القانتات

اللهم امييييين








  رد مع اقتباس
قديم 10-14-2009, 09:42 AM   رقم المشاركة : 30
بيرون
نورتنا جديد
رقم العضوية :  9796
بيرون غير متواجد حالياً
افتراضي

صباح الورد ياقمر
اسفة جدا جدا اني اتأخرت في الرد عليكي لان النت كان عندي مقطوع
بالنسبة لعمل سطر الفستون انتي قلتي (رتفعى 3سلاسل اشتغلى عمودين على الغرزتين التاليتين من السلسله بالسطر الاسفل((الغرزه اللى بعد المنزلقه اللى عملتى منها الارتفاع 3سلاسل -ثم انزلى بمنزلقه على منتصف السلسله من السطر الاسفل(منتصف السبع سلاسل) -ارتفعى 3سلاسل اشتغلى عمودين على الغرزتين التاليتين مباشره من السلسله)هل يكون العمل هنا على نفس السلسلة ام ننتقل لاخرى بمعنى ان يكون على كل سلسلة عمودين وهل يكون النزول بالمنزلقة بعد العمودين مباشرة على نفس السلسلة ؟
اما بالنسبة للسطر اللي بعد الفستون حاسة انه صعب لكني تقريبا فهمته سؤالي فقط هو اي وردة بالضبط اللي احددها كمنتصف انا عندي 12 وردة كمان مش عارفة ايه هو معنى الفستون
سلامي ليكي اصولة وربي يحفظك ويخليلك الولاد وابوهم يارب







  رد مع اقتباس
قديم 10-15-2009, 07:38 AM   رقم المشاركة : 31
الأصيل
مشرفة قسم الكروشية والقسم الديني
 
الصورة الرمزية الأصيل
رقم العضوية :  13731
الأصيل غير متواجد حالياً
افتراضي

السلام عليكم ورحمة الله وبركاته
بيرون حيبتى ازيك ياقمر
معلش ما عرفتش ارد عليكى امبار اصلى دخلت سرع وخرجت
المهم حبيبتى بالنسبه لسطر اللى انا سميته الفستون انا سميته كده لانه فى الشكل زى الفستون
انا قلت اشتغلى 3سلاسل وبعدين تشتغلى عمودين على الغرزتين التاليتين يعنى اول 3سلاسل عملناهمها نعتبرهم اول عمود -وكمان العمودين اللى بعدهم يبقى المجموع 3اعمده كويس-ها تنزلى بمنزلقه على السلسله اللى بعدهم مش فى نفي السلسله
بعد ما ها تنزلى بمنزلقه ها ترلاقى الشكل اخد ششكل مائل يعنى الاعمده اخذت الشكل المائل مما اعطته شكل الفستون --كده واضح ولا ايه

بالنسبه للسطر اللى قنا عليه بعد الفستون سهل جدا بالعكس
اول ورده اللى هي رقم واحد -واخر ورده فى السطر اللى هي رقم 12
يعنى اول واحده واخر واحده همه دول طرفين الورده
بالنسبه للسطر اللى بتقولى عليه مش فاهمه يعنى ايه فستون
هوه نفسه السطر اللى عملناه سابقا وسميناه كده عشان الشكل طلع معانا كده نتيجه الاعمده المائله
شوفى كده وردى عليه حبيبتى








  رد مع اقتباس
قديم 10-15-2009, 10:03 AM   رقم المشاركة : 32
بيرون
نورتنا جديد
رقم العضوية :  9796
بيرون غير متواجد حالياً
افتراضي

صباح الفل حبيبتي اصولة
شكرا على التوضيح يعني كدة انا احط دبوس في منتصف الوردة رقم واحد واخر في منتصف الوردة رقم 12

كمان انا هنا جبتلك معي هدية حتعجبك تفضلي شوفيها
http://www.crochetpatty.com/pattern_list.html







  رد مع اقتباس
قديم 10-15-2009, 01:03 PM   رقم المشاركة : 33
الأصيل
مشرفة قسم الكروشية والقسم الديني
 
الصورة الرمزية الأصيل
رقم العضوية :  13731
الأصيل غير متواجد حالياً
افتراضي

بيرون حبيبتى
شكرا على الهديه الروعه دى يارب ما يحرمنى منك يا جميل
ان شاء الله نختار منهم مفارش حلوه نعملها سوا

ويارب يبارك لك فى بنتك القمر يارب

ايوه حبيبتى احنا بنحدد المنتصف للورده رقم واحد وده كله من الجانب يعنى تحديد المنتصف ها
يكون للورده رقم 1 و12 لان دول همه جانب المفرش الايمن والايسر

ان شاء الله يطلع مظبوط معاكى
انا مستنيه يا جميل اشوف عملتى ايه








  رد مع اقتباس
قديم 10-18-2009, 01:18 PM   رقم المشاركة : 34
بيرون
نورتنا جديد
رقم العضوية :  9796
بيرون غير متواجد حالياً
افتراضي

مساء الورد حبيبتي الاصيل
كيفك وشو احوالك انشاء الله تكوني بخير اسفة لاني اتأخرت في التطبيق كبسوا علينا عائلة من اصدقائنا جاؤوا من المانيا وبقوا عدنا 3 ايام وكنت مشغولة فيهم
انا طبقت الشرح حسب كلامك ياجميل والحمدلله طلع مضبوط وجميل زيك مستنين باقي شرحك الجميل وحسب اوقات الروقان بتاعتك
وشكرا لك يا احلى اصيل







  رد مع اقتباس
قديم 10-19-2009, 05:37 AM   رقم المشاركة : 35
الأصيل
مشرفة قسم الكروشية والقسم الديني
 
الصورة الرمزية الأصيل
رقم العضوية :  13731
الأصيل غير متواجد حالياً
افتراضي

حبيبتى بيرون
صباح الفل

اوك يا قمر راح اشرح لك الباقى
ممكن اليوم بس اكيد اكيد بكره االصبح فى الروقان
لانهم اليوم كسلو من المدرسه...... وانتى عارفه الباقى ................








  رد مع اقتباس
قديم 10-19-2009, 11:56 AM   رقم المشاركة : 36
بيرون
نورتنا جديد
رقم العضوية :  9796
بيرون غير متواجد حالياً
افتراضي

هههههههههههههههههههه ربي يعينك وعلى اقل من مهلك







  رد مع اقتباس
قديم 10-20-2009, 05:31 AM   رقم المشاركة : 37
الأصيل
مشرفة قسم الكروشية والقسم الديني
 
الصورة الرمزية الأصيل
رقم العضوية :  13731
الأصيل غير متواجد حالياً
افتراضي

السلام عليكم ورحمة الله وبركاته

صباح الفل حبيبتى بيرون

يلا نبتدى الشرح ان شاء الله
بس كنت عاوزه نعمل حاجه عشان يكون الشغل احسن ومريح ويطلع مظبوط

مش احنا عملنا على جانبى المنتصف من الورده ((عمودين بينهم سلسلتين -عمود- عمودين بينهم سلسلتين- عمود )وبعدين يقابلنا المنتصف عملنا فيه عمودين بينهم سلسلتين ثم اكملنا (عمودين بينهم سلسلتين -عمود -عمودين بينهم سلسلتين )صح
احنا ها نخلى الشغل بتاعنا من العمودين اللى بالمنتصف اللى بينهم السلستين

اربطى الخيط فى السلسله الاللى بين العمودين --ارتفعى 5سلاسل -انزلى بمنزلقه على منتصف السلسله التاليه -ارتفعى مره ثانيه 5سلاسل -انزلى بمنزلقه على منتصف السلسله التاليه وهكذا لنهايه السطر واغلقى السطر ب5سلساانزلى بمنزلقه فى نفس المكان اللى بدأنا منه العمل

اشتغلى غرزه حشو على اول وتانى غرزه من السلسله التاليه (الخمس سلاسل اللى عملناهم اول ما ابتدينا بربط الخيط )--ارتفعى بعد غرزتين الحشو ب3سلاسل -عتبريهم اول عمود -عمود فى نفس المكان -3سلاسل-عمودين -5سلاسل-انزلى بمنزلقه على منتصف السلسله التاليه-(منتصف الخمس سلاسل من السطر الاسفل )-ارتفعى 5سلاسل -انزلى بمنزلقه على منتصف السلسله من السطر الاسفل -5سلاسل اخرى -انزلى بمنزلقه على منتصف الخمس سلاسل من السطر الاسفل --3سلاسل اشتغلى فى الفراغ من السلسله11عمود بلفتين -3سللاسل اخرى -انزلى بمنزلقه على منتصف الخمس سلاسل من السطر الاسفل --ارتفعى 5سلاسل اخرى -انزلى بمنزلقه على منتصف الخمس سلاسل التاليه من الاسفل -3سلاسل-اشتغلى عمودين بينهم 3سلاسل على منتصف الخمس سلاسل من السطر الاسفل -3سلاسل اخرى -انزلى بمنزلقه على منتصف السلسله التاليه من الاسفل -5سللاسل -انزلى بمنزلقه على منتصف السلسله التاليه من الاسفل -ارتفعى 5سلاسل اخرى انزلى بمنزلقه على منتصف السلسله من الاسفل -3سلاسل -اشتغلى فى الفراغ من الخمس سلاسل من السطر الاسفل -11عمود بلفتين -3سلاسل -انزلى بمنزلقه على منتصف السلسله التاليه من الاسفل (((لاحظى هنا ان بين ال11عمود اللى بلفتين وال11عمود الاخرى اللى بلفتين بينه فراغين من 5سلاسل -ثم عمودين بينهم 3سلاسل وفراغين 5سلاسل -وعلى جانبى ال11عمود اللى بلفتين سلاسل ))لو كده تمام يبقى الشغل مظبوط
استمرى بالعمل بنفس الطريقه ولاحظى عدد السلاسل اللى بين الل11عمود زى ما انا قلت لك(يعنى العمل لنهايه السطر مكرر--اغلقى بمنزلقه
انا ها اتوقف هنا حتى اشوف الشرح كده واضح ولا لاعشان السطر ده مهم يكون مظبوط لانه بايه الاناناسات اللى فى المفرش
واى سؤال حبيتى من عيونى
سلامى لبنوتك ربنا يبارك لكى فيها








  رد مع اقتباس
قديم 10-20-2009, 09:34 AM   رقم المشاركة : 38
بيرون
نورتنا جديد
رقم العضوية :  9796
بيرون غير متواجد حالياً
افتراضي

ت:23-122:سلميلي يارب انا رايحة اشتغل السطر
سلامي وقبلاتي لاولادك وربي يحفظكم جميعا







  رد مع اقتباس
قديم 10-20-2009, 11:31 PM   رقم المشاركة : 39
بيرون
نورتنا جديد
رقم العضوية :  9796
بيرون غير متواجد حالياً
افتراضي

مساء الورد ياقمر انا كملت السطر وكدة مضبوط والحمدلله ربي يحفظك ويبارك لكي باولادك امين







  رد مع اقتباس
قديم 10-21-2009, 05:44 AM   رقم المشاركة : 40
الأصيل
مشرفة قسم الكروشية والقسم الديني
 
الصورة الرمزية الأصيل
رقم العضوية :  13731
الأصيل غير متواجد حالياً
افتراضي

صباح الفل يا احلى بيرون

معلش يا قمر ها اقولك حاجه ومعلش ما اخدتش بالى الا دلوقتى

بعد ما خلصتى السطر الاول اللى شرحته اللى هوه ابتديناه بربط الخيط فى منتصف االمسافه بين زاويه الورده وانهيتى السطر بمنزلقه فى نفس مكان ربط الخيط -اشتغلتى على اول غرزتين حشو صح -ارتفعتى 3سلاسل واعتبرناهم عمود -عمود فى نفس المكان -3سلاسل عمودين فى نفس المكان صح كده كملنا الشرح عادى زى ما قلتلك

اللى عاوزه اقوله انك لما توصلى لزاويه الورده من الجانب على السلاسل الخمسه الاخيره اللى بالسطر الاسفل اللى قبل السلاسل اللى عملنا عليها العمودين -3سلاسل عمودين --اعملى على السلاسل الخمسه اللى قبلها عمودين -سلسلتين عمودين 5سلاسل وانهى السطر بمنزلقه عند الارتفاع الاول من العمود الاول اللى على السلاسل التاليه
(((يعنى انا الشرح كله عادى جدا الا فى منطقه الزاويتين للورده ها يكون عندك على فراغ الخمس سلاسل من الاسفل عمودين -3سلاسل -عمودين فى نفس المكان -5سلاسل مسافه -عمودين -3سلاسل عمودين ))))

معلش ها تحتاجى بس تفكى نصف السطر الاخير الى ان تصلى لزاويه الورده من الجه المقابله وتشتغلى على الزاويه (عمودين -3سلاسل -عمودين -على فراغ الخمس سلاسل من الاسفل ثم - 5 سلاسل- عمودين -3سلاسل -عمودين )

شوفى العمل ها تلاقى الشغل زى ما قلت لك قبل كده عدد ثابت بين ال11عمود وال11 التاليه
لكن فى الزاويه عمودين -3سلاسل -عمودين على فراغ الخمس سلاسل -5سلاسل ثم عمودين -3سلاسل -عمودين على الفراغ التالى من الخمس سلاسل

لو تمام كده يبقى تمام ان شاء الله



السطر اللى بعد كده

بعد ان اغلقتى السطر بمنزلقه عند اول عمود من الاعمده اللى بالسطر السابق --اشتغلى غرزه حشو على العمود التالى من السطر الاسفل -غرزه حشو فى فراغ السلسه اللى بين الاربعه اعمده -فى نفس الفراغ بعد غرزه الحشو مباشره ارتفعى-3سلاسل اعتبريهم اول عمود عندك -عمود فى نفس المكان -3سلاسل -عمودين فى نفس المكان ((ها اسمى الشكل ده مروحه )-5سلاسل/color] ((يعنى على ال11عمودبلفتين اللى بالسطر الاسفل -11عمود اخرىبلفه واحده بين كل عمود والاخر سلسله واحده )-3سلاسل -انزلى بمنزلقه على منتصف الخمس سلاسل من الاسفل -5سلاسل اخرى -انزلى بمنزلقه على منتصف الخمس سلاسل التاليه 5سلاسل -اشتغلى فى فراغ ال3سلاسل اللى بين االاعمده التاليه عمودين -3سلاسل عمودين((مروحه)) -ثم اشتغلى 5سلاسل اخرى -انزلى بمنزلقه على منتصف الخمس سلاسل من السطر الاسفل -3سلاسل -اشتغلى على كل عمود من الاعمده ال11-11عمود بين كل عمود والاخر سلسله واحده
ها تستمرى بنفس طريقه العمل كالاتى ((((على الفراغ اللى بين الاعمده ها تشتغلى عمودين -سلسلتين عمودين[color="darkred"]((مروحه ))
-تشتغلى 5سلاسل -كما سبق -وتنزلى بمنزلقه على منتصف الخمس سلاسل -ثم على جانبى الاعمده ال11- 3سلاسلمن كل جانب وتكملى بنفس الطريقه حتى تصلى لزاويه الورده اشتغلى على الفراغ الاول (فراغ ال3سلاسل اللى بين الاعمده مروحه كما سبق وشرحتها 3سلاسل -اشتغلى على فراغ الخمس سلاسل -5اللى تفصل بين المروحتين 5 اعمده بلف واحده -3سلاسل -اشتغلى مروحه فى الفراغ ال3سلاسل نت السطر السابق -5 سلاسل انزلى بمنزلقه على منتصف السلسله

استمرى بنفس الطريقه حتى تأتى لزاويه الورده وتشتغلى بنفس طريقه الزاويه اللى شرحناها (يعنى مروحه على الفراغ بتاع ال3سلاسل الالمروحه اللى بالاسفل -3سلاسل -5اعمده بلفه على الفراع ال5سلاسل من السطر الاسفل (الفراغ اللى بين المروحتين 5 اعمده بلفه -3سلاسل -اغلقلى السطر بمنزلقه عند الارتفاع الاول للعمود الاول من المروحه التاليه)

معلش حبيبتى ممكن تجربى كده وتقوللى
وعلى فكره السطر ده بس اللى صعب شويه لكن الباقلى بعد كده سهل جدا
سلامى لكى ولبنوتك االقمر








  رد مع اقتباس
إضافة رد

مواقع النشر (المفضلة)

الكلمات الدلالية (Tags)
محتاجة, مستطيل, مفرش, اعمل, بيضاوي


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 03:07 PM بتوقيت مسقط


Powered by vBulletin®
Copyright ©2000-2010 Jelsoft Enterprises Ltd.
Translated & Secured By : L4de INC©

استضافة ودعم وتطوير شركة

حجز