حلويات شمس

[شمس الباديه]

كيكه دقيق الذره

المقادير

2كوب دقيق ذره -1كوب دقيق عادى -1كوب لبن 2/1كوب زيت ذره -2بيضه -فانيليا - باكنج بودر -1كوب سكر

الطريقه

يضرب البيض جيدا مع الفانيليا وقليل من الليمون وبعد كده اضيفى السكر واضربيه ثم الزيت والبن واضربيهم حتى تدخلى فقاقيع الهوا ثم ضعى الدقيق حبه حبه والباكنج بودر

ادهنى الصينيه سمن ورشى دقيق ثم ضعى الخليط وادخليها الفرن وبعد ماتخرج اقلبيها على منخل سلك وبالهنا والشفا

المنجائونا

1كيلو دقبق - 2/1 كوب زيت -2/1 كوب سمن -فانيليا -2 بيضه -2/1 كوب سكر - خميره - لبن - ماء دافىء للعجن

الطريقه
تعجن بالطريقه العاديه وتترك لكى تخمر بعد ان تخمر تقطع العجينه وتشكل حسب الرغبه فى صينيه مدهونه بالزيت وتترك لتخمر مره ثانيه يدهن الوجه ببياض البيض +فانيليا + سمسم وتخبز فى الفرن

بسكويت اليانسون او السمسم

المقادير
1كوب سكر - 1كوب زيت -2بيضه - 3كوب دقيق -يانسون او سمسم اوجوز هند -باكنج بودر -فانيليا

الطريقه
يضرب السكر والزيت والبيض والفانيليا مع بعض ثم يضاف الدقيق والباكنج بودر ويعجن ادهنى الصينيه بالزيت ثم افردى العجينه فى الصينيه ثم ضعى على الوجه السمسم او اليانسون او جوز الهند

الكيكه بالكستر الشيكولاته او الفانيليا

3بيضات -2كوب دقيق - فانيليا -عصير ليمون - باكنج بودر -4/3 كوب زيت+سمن -2/1كوب لبن -1كوب سكر -ربع كوب صغير كاكاو

يضرب البيض مع الفانيليا والليمون ثم يوضع السكر والزيت مع السمن واللبن والكاكاو ويضرب جيدا ثم يوضع الدقيق والباكنج بودر ثم يدهن الصينيه بالزيت ويوضع الخليط وتوضع فى الفرن

مقادير الكستر
2كوب لبن +علبه كستر شيكولاته اذا لم يوجد ممكن استبداله بالكاكاو ويحلى سكر يوضع فى اناء كل الخليط ويوضع على النار ويقلب باستمرار حتى لايكلكع وممكن وضع كستر فانيليا حسب الرغبه وبعد ان يكون متماسك
بعد خروج الكيكه مباشرا تقلب فى صينيه على ظهر الكيكه ثم يوضع الكستر ويرش عليه جوز هند وتوضع فى الثلاجه وتقدم بارده وبالهنا والشفا:001 :

[لبنانيه و أفتخر]

يمممممممممممممممممم
شهيتين عليها تسلم ايدك حبيبتي
و جاري التنفذ

[شمس الباديه]

ربنا مايحرمنى من ذوقك اللطيف

[ebrawafatla]

حلوياتك حلوه ياشمس
لكن لو كانت بالصور كان يكون احلى
ايه رايك ..اسهل واحده ايه حتى اجربها ؟؟؟
مع ملاحظه انى فاشله فى الحلى

[شمس الباديه]

شكرا على ذوقك اللطيف على فكره كلهم سهلين وان شاء الله انفذهم وانزلك الصور بس كمان ابعتهملك تدوقيهم من ايدى وعيونى ليكى

[ebrawafatla]

انا فى انتظارك تنزلى الصور عشان اتشجع واجرب

[شمس الباديه]

ان شاء الله بس ارجع من السفر واعملهملك